[ Mbah Atmo Nge-blog ]

Dadi caleg, Golek Bathi ??

atmoglendem — Mon, 02 Feb 2009 03:41:03 +0000

Kapan kae aku ndelok acara neng tipi metrotipi [yen gak salah]. Neng acarane iku onok salah sijine caleg soko parte golkar, soko dapil jabar, yaiku ade komaruden

Dewekne ngaku yen kud ngetokne kanggo neko neko [ tremasuk kanggo tuku kaos parte, umbul umul, nyangoni, padsang baleho lan sak panunggalane].

Lha njur, yen iseng iseng tak etung etung, yen tak umpamakne bayare anggota dewan DPR iki sewulan 50 juta, njur kanggo mablekne modal 5 milyard mau iki dadine ngene :

5.000.000.000 : 50.000.000 = 100

100 : 12 bulan = 8,3 tahun

hahaha…… aku kagum lan salut karo anggopta dewan ngene iki,

gelem mbayar neng ngarep, tekor neng ngarep kanggo ngabdi neng masarakat…. lha piye, nek dibayar 50 juta wae sewulan, modal awale iku mau wae durung balik modal yen masa bakti 5 tahun….

wah, neng endonesa isih akeh wong sing dremawan yo????

[opo mbathi???] hahahaha

Mesakne sing wes tuku nomer urut Caleg

atmoglendem — Thu, 29 Jan 2009 12:02:13 +0000

Mesakne aku, krungu kabar yen MK ngabulke permohonan uji materi babagan nomer urut karo jumplah suara sing aling akeh kanggo nentokne dadi orane caleg. Lha ra mesakne piye? lha wong biasane, partei pertei gedhe kae, sing wernane nyolok moto, nyulek mripat kae, wes jamak lumrah dodolan nomer kanggo nyokong biaya kampanye.

dadi jaman biyen, yen pingin dadi caleg nomer urut siji, utowo calon dadi, kudu mbayar semene, kudu mbayar semono, kudu mbayar piro piro ngono ngant juta-jutaan..

wes, ben, saiki ben podho tangisan sing wes tuku nomer

Rijal Malarangeng, Klilipen lan dodolan Gambar

atmoglendem — Thu, 29 Jan 2009 12:00:45 +0000

Biyuh biyuh…

motoku klilipen tulisan iku sak enggon enggon..

neng dalan gatsu, gambar guedhe guedhe, tulisane podo :

ip nderis e will, nderis e wey..

lha aku yo bingung, trus iku gunane opo yo???

lha neng kompas jugak di pampang, iklan gedhen gedhen, tulisane podho.

lha aku bingung, wong sing pasang gambar lan iklan iku sugih temen yo?? sampek iso nuku iklan neng kompas sak halaman penuh, trus pasang baliho sak enggon enggon neng dalan dalan protokol ibukota…

lha, yen biaya pasang iklan iklan iku disumbangne, kanggo wong wong sing arepe milih dekne, kiro kiro gelem ora yo???

Jaksa Gendeng, Negara Rusak

atmoglendem — Thu, 29 Jan 2009 11:58:21 +0000

Aku mules lan arepe muntah krungu omongane jaksa sing wes kerekam karo KPK kae. Iku lho omongane Kemas karo artalita,

Lan aku gemes, kok pingin nggepuki jeksa kuwi yo! pingin tak antemi, lha piye ora kudu digepuki koyok maling, duwit pajek sing tak bayar angel angel , mung gawe mbayari garong sing jeneng jeksa iku. Mugo Mugo ora slamet donya akherate Kisanak.
Lha wong jeksa kok koyok maling ngono.

Usulku, gawe mbrantas korupsi neng daerah birokrasi:

sakdurunge dilantik, kudu disumpah, sumpahe:a.Yen mengko ketemon utowo kebukti ngrampok duwit negoro/ korupsi, deweke siap disita kabeh bondho donya ne (ben dadi kere)
b. Yen Mengko ketemon korupsi, siap anak turune di Blek List, ora iso dadi punggowo negoro/ ora iso dadi PNS.
c. Siap ditulisi KTP ne, yen pernah korupsi.

Wani pora negoro gawe koyo ngono????
SBY????

Wuedann, rega rabuk luarang!!

atmoglendem — Thu, 29 Jan 2009 11:56:21 +0000

Wuedann Tenannn…

Wingi mbah atmo arepe tuku rabuk urea kanggo ngrabuk sawah sing mung sak cuplik kae…., lha kok regane wes satus punjul..

Jan Jane iki negara apa???? Negara Tani apa negara Industri??

Nang Ngendi pemimpine? Nang ngendi Wakile??? Nang ngendi DPR-e???

apa padha mblendungne wetenge dewe dewe??? Tak dongakne ora slamet akherate yen mateni wong wong ciliik/ rakyate kaya ngene..

Pemimpin sing Ora Duwe ISIN

atmoglendem — Thu, 29 Jan 2009 11:55:04 +0000

Bar sholat ashar, aku dikagetne suara montor pulisi sing mbrebeki kuping, mecahne gendang kuping, Tak delok seko ngomah…. ooooo… ono penjahat… eh penjabat liwat. Njaluk diwenehi dalan, njaluk didisikne , lan wong wong cilik kudu minggir, soale ora penting….

Neng bagean liyane, neng jawa timur, saiki calon calon penjahat gubernur eh pejabat sing arepe dadi gubernur, rebutan njaluk suarane rakyat, janji yen mengko yen dadi gubernur arepe mbela rakyat, arepe ndisikne rakyat lan dadi pengayom rakyat.

Neng bagean jawa liyane, wakil peresiden arepe ndelok pembagian BLT sing gedhene 100 ewu rupiyah sewulan. Kabeh padha bingung, pulisi pulisi padha siap siap, dalan dalan ora oleh macet, yen macet, JK kudu di dhisikne, kabeh kudu minggir, arepe ana “PEJABAT” lewat, soale liyane ora penting !!.

Tekan nggon, wong wong sing oleh KUPON BLT padha antri, uyel uyelan, trima nampa bantuan BLT sing gedhene padha karo rega voucher tilpun sing jenenge HP.

Aku dadi mikir, lha pas para pemimpin sing terhormat ngono iku, ndelok rakyate padha uyel uyelan, rebutan duwit sing ora patio akeh, sing kudu kanggo urip sewulan, ngono iku sing dipikirne apa ya???

Aapa ora Isin, yen para pejabat iku ngajak ajak rakyat kudu irit, mengemncangkan ikat pinggang, padahal opomeneh ngencangne ikat pinggang, lha wong pinggange wae wes entek, merga keluwen. Apa ora terbersit neng atine wong wong sugih kuwi sing wes diarani pejabat, yen upama sewulan wae, bayare dadi presiden utawa wakil presiden disumbangne wong wong mlarat iku, apa ndadekne mlarat pak wakil presiden po pak presiden yo???

Lha wong pemimpin kok njaluk didisikne, njaluk dihormati, apa apa kudu ndisik, trus mbesuk neng akherat piye yo tanggung jawabe??

Apa ora ngerti, akeh wong sing misuh misuh, pas dikon minggir karo rombongan penjabat sing lagi liwat. Lan kabeh padha ora ikhlas lan ridha????… lha yen wong wong sing dikongkon minggir iku ora ridha, njur dosane sing nanggung sapa ya???

Ben Maju, Jeneng Negara Kudu diganti !!

atmoglendem — Thu, 29 Jan 2009 11:51:49 +0000

Kudune Jeneng Negara Indonesia diganti ……

Mau bengi bar jagong bayi neng omahe Yu Painem, wong wong wes biasane mampir disik neng warunge Mbok Janem. Nyruput kopi rego limangatus repes sinambi mangan jadah goreng po gedang goreng sing regone telungatusan. Biasane sinambi ngopi, wong wong podho jagongan karo ngrembug mulai babagan sing ora penting babar blas, sampek ngermbug babagan negoro lan pulitik.

Sing aku seneng, mau bengi Mbah Darmo, ugo teko, pesen wedang kopi sing cingkir cilik, karo pesen gandos siji. Jare Mbah Darmo, negoro Indonesia iki ora bakale maju, yen durung ganti jeneng. Halah.. Mosok ???

Iyo,jare Mbah Darmo sing saben dinane bakulan pitik neng Pasar Kliwonan cedhak posan iku, Jeneng Indonesia iku ora pati apik, soale sing nemokake wong dudu Indonesia dewe, nanging malah wong monco, alias Londo.

Jare Mbah Darmo, Negoro Indonesia bakale maju, yen ganti jeneng dadi : Endonesa.

Babagan Hak Cipta, mengko Mbah Darmo ora bakalan cawe cawe utowo njaluk bagean , hahaha. Sing Penting jeneng Indonesia kudu diganti dadi Endonesa, sababe :

1. Jeneng Endonesia luwih gampang pangucapane.

2. Jeneng Endonesia, wes kerep dienggo karo wong wong tanpa sadar, yen sing di ucapke iku dudu Indonesia, nanging Endonesa, contone pas acara acara tinju, ana wong sing nyanyi lagu kebangsaan, nyanyine yo ora Indonesia Raya, tapi Endonesa Raya (yen iki aku kerep krungu, nanging ora duwe bukti rekamane)

3. Sing penting, jeneng Endonesa dudu jeneng sing ditemokne karo wong bule sing malah njajah negoro iki sampek elek.

4. Yen nyanyi ana acara upacara bendera utowo acara acara liyane, luwih gampang nyanyi Endoensa raya, ketimbang Indonesia Raya. Dijajal po???

5. Akeh, negoro sing gawe jeneng awalane E, dadi maju, nanging ora kalebu Ethipia karo Eritreia. (lho, kok eyelan to mbah??, hehe )

Aku ngrungokne wae guyonane mbah Darmo iki, soale ora mung lucu, nanging ugo lucu banget tur nggowo pesene wong wong dusun, Yen sejatine saya suwe uripe wong cilik saya angel, lan yen wes angel, guyonane dadi guyonan maton…

Piye Kisanak kabeh???, setuju opo ora yen idene Mbah Darmo iku kaleksanan?? suwun mbah, idene mau bengi tak lebokne blog ku , weheheheh…

Wong Indonesa akeh sing bodho2

atmoglendem — Thu, 29 Jan 2009 11:48:43 +0000

Lha, piye ora bodho to kisanak…

1. wes ngerti nek parte iki, partei iku sing gawe rusake negoro, tetep ae dadi idolane.

2. Wes ngerti nek duwit sapirang pirang mung di enggo hambur hamburan wong wong sing ngaku “dewan terhormat”, tapi isih wedi lan kalah rego neng ngarepe wong wong penjahat iku.

3. Wes ngerti nek jaman saiki jaman maju ngene, isih percoyo soal soal koyo ngene,ngene, lan ngene, malah aku mau ngrungokne neng ELSHINTA kok yo dibahas lan rembug to yo?, ngono yo kok dadi heboh banget to…???

Mesakne wong wong iku (mungkin kalebu aku ) mung di bodho bodhoni wae

Tapi bener jare wong wong sing pinter pinter kae, nek gak onok sing bodho, trus pinter kabeh, sopo sing arepe di bodhoni???? hehehe

Nanging, aku yo seneng, lha wong hape ku ora iso werno abang, soale hape jaman mbiyen, jamane Alexander Graham Bell

Kurang Ajar, Tak Santet mengko sampeyan !!

atmoglendem — Thu, 29 Jan 2009 11:45:01 +0000

April 22, 2008

Kurang ajar…

goro goro rego minyak mentah larang/mundak, rego rego liyane podho melu melu mundhak.
Aku tuku kopi secingkir neng pojokan alun2 alun sebelah kulon magetan regone yo mundhak.
Yu Jum sing biasane menehi balen/susuk rongewu setengah, yen aku tuku kopi secingkir tambah gorengan 3, saiki kari menehi susuk 2000. Jare rego rego podho mundak, soale rego minyak mentah mundhak.

Lho lho lho…, tibake imbas mundhake rego minyak mentah neng ndonya wes tekan magetan jugak.
Jaman wes edan. Wong wong podho ngumbar nepsu, ngentek-entekne sumber sumber energi sing onok. Sing podho nduwe setir bunder, ora trimo nek ora puter puter sampek ngentekne 10 liter, sing nduwe montor roda loro, dho muter muter, bleyar bleyer ra karuan, mbakar energi ujud bensin ra kurang 2 liter sedino.

Nanging, jan jane sing paling boros energi yo negoro negoro maju kae.
Lha piye ra boros, yen mongso adem, gak onok siji ae omah sing ora pasang lan nguripke pemanas ruangan. Lha yen mongso panas, ora onok omah sing ora pasang AC.
Lha nek dibandingne neng negoro mlarat/berkembang yo jan jane njomplang bin adoh.
Negoro2 mlarat/ lan berkembang, bejone roto roto neng daerah sing ora kenek musim adem, dadine yo arang arang sing pasang pemanas utowo AC.

dadi jan jane, sing kurang ajar iku wong wong Barat kae, sing koar koar, bengak bengok nang negoro2 mlarat kon njogo alase. trus malah dewekne sing paling boros energi.

Kurang ajar!! jan jane aku arep kirim santet neng JOS BUS, ben ndang mati, trus ora ngopyak opyak Indonesia lan ora sok ngajari carane nandur wit neng Indonesia.

salam.

atmo glendem

Ahmadiyah dudu Agama

atmoglendem — Thu, 29 Jan 2009 11:43:38 +0000

April 18, 2008

Iki gremengane mbah atmo glendem mas-alah sing saiki lagi anget-angete.

kuwi lho, mas-alah aliran ahmadiyah, aliran agomo sing ngaku ngaku jenenge Islam, tapi ora ngakoni nek nabi sing pungkasan iku yo mung nabi Muhammad. Padahal, salah sijining rukun islam iku yo ngakoni menawa Gusti Alloh iku namung siji, lan nabi Muhammad iku nabi pungkasan utusanipun Alloh.

Aliran iki lucu, aliran gaweane Inggris iki ngaku ngaku nek onok nabi anyar jenenge sopo iku, mirsa gulo amat, opo mirsa gulo mamat, wong aseli India sing dadi nabi pungkasane. hahaha…

Lucune, aliran iki ngaku ngaku nek Islam,

lha ngaku ngaku nek Islam, trus ora ngaakoni opo sing dadi rukune lha podo wae goroh.

Sing luwih nggeregeti, wong wong sing agomo liyane, melu melu umuk babagan iki, melu melu omong sing mbingungne, padahal, sing ngerti opo iku rukun Islam, opo iku Islam, yo mung mung Islam dewe.

Nggawe alasan HAM, alasan HEM, opo alasan HOM, pokoke Ahmadiyah iku ajaran sing bener lan ak panunggalane.

Padahal, aku yakin, mbuh iku Hindu, Budho, Aliran Darmo Gandul, Kresten utowo Katolik, mesthine wong wonge ora lilo nek onok aliran sing nyimpang adoh, tapi ngaku ngaku nek dewekne iku Hindu, Budho, Aliran Darmogandul, Kresten utowo Katolik.

Goroh lan umuk, yen wong wong iku legowo, lilo, nek onok wong sing ngrusak agomone , mung meneng wae, terkecuali nek wong wong iku mung agomo KTP wae , mesthi dewekne yo biasa biasa wae agomone digawe guyon.